Dy të rinj janë arrestuar nga Policia e Lezhës pasi janë akuzuar për të paktën 4 vjedhje të ndodhura në muajin janar. Sipas policisë janë kapur dhe ndalohen 2 shtetas, të shpallur në kërkim për veprat penale “Vjedhja” e kryer në bashkëpunim dhe “Moskallëzimi i krimit”. Po ashtu pretendohet zbardhen një seri vjedhjesh të ndodhura gjatë muajit janar 2020.
Policia ka patur një listë për rastet e vjedhjeve të banesave, lokaleve, makinave dhe servileve dhe si rezultat i një pune profesionale, thuhet, për kapjen dhe ndalimin e personave që janë të përfshirë në vepra kriminale të vjedhjes, bënë të mundur kapjen dhe ndalimin e shtetasve:
Rastet
-E. U.,19 vjeç dhe E. C.,16 vjeç, banues në Lezhë, njëri adoleshent e tjetri i ri dhe që të dy asnjëherë më parë nuk kishin patur precedent. Megjithatë policia pretendon se ata dyshohen për katër raste vjedhjesh!
-Më datë 25.01.2020 kanë vjedhur në një servis, në autostradën Lezhë-Milot, disa vegla si: pistoletë e madhe ajri e gomisterisë, 3 pistoleta ajri të vogla, 2 gurë fresibël dhe 2 trapanë, me vlerë rreth 2500 euro.
-Më datë 14.01.2020 kanë vjedhur në ambientet e Kryqit të Kuq në Lezhë disa artikuj ushqimorë.
Më datë 14.01.2020, në lagjen “Besëlidhja”, Lezhë, kanë thyer xhamin e makinës tip “Opel”, në pronësi të shtetasit Gj. F., me qëllim për të vjedhur.
-Më datë 04.01.2020 kanë vjedhur me thyerje dyqanin e firmës Brunes Sh. P. K., ku kanë marrë serverin e kamerave të vëzhgimit dhe një celular. Materialet i kanë kaluar Prokurorisë së Rrethit Gjyqësor Lezhë, për veprat penale “Moskallëzimi i krimit” dhe ”Vjedhja”, e kryer në bashkëpunim, për të cilën parashikohet dënimi deri në 5 vite burg. n.k/Fjala.al/
