Prej kohësh, këngëtarja Jonida Maliqi dhe aktori i humorit Romeo Veshaj, kanë qenë një ndër çiftet më të komentuar të showbiz-it shqiptar për romancën e tyre me uljet e ngritje të shumta.
Mirëpo, Jonida ishte ajo që deklaroi së fundmi se këtë vit, Shën Valentini e gjeti single, duke lënë të kuptohet se mes saj dhe Romeos ka marrë fund.
Këngëtarja u rrëfye gjatë emisionit të saj “Jonida’s Room”, teksa e ftuara, Kleoniki Delijorgji, po i lexonte disa letra.
“Mua s’më pëlqen shumë kjo festë, sepse mendoj që Shën Valentin për çiftet duhet të ketë çdo ditë, për më tepër që këtë vit jam single”, u shpreh Jonida.
Këngëtarja e tha fjalën e saj, ndërsa Romeo qëndroi i heshtur pas kësaj deklarate. Mirëpo, “Iconstyle.al” ka mësuar se në fakt, aktori po shijon një romancë të re me një vajzë jo pak të njohur për publikun shqiptar.
Bëhet fjalë për Aleksia Peleshin, vajzën e ministrit të Mbrojtjes, Niko Peleshit, me të cilën ai ka shijuar një ditë në Vlorë.
Dyshja ka ndarë foto nga i njëjti vend dhe përveç këtyre pamjeve, vetë Aleksia ka ndarë në rrjetet e saj sociale foto në makinë, ku mund të dallojmë fare lehtë Romeon i cili shfaqej duke i dhënë makinës.
