Një 30-vjeçar nga Kalifornia vdiq pasi policia u gjunjëzua në qafën e tij për gati pesë minuta, pretendon familja e tij. Angelo Quinto vuante nga depresioni dhe paranoja dhe një ditë motra e tij Isabella Collins thirri policinë në shtëpi nga frika se mos dëmtonte nënën e tyre.
Para se policia të mbërrinte në vendngjarje, Isabella tha se nëna e tyre pas shumë përpjekjesh kishte arritur ta qetësonte pak. Familja e tij pretendon gjithashtu se kur dy oficerë nga Departamenti i Policisë së Antiokisë arritën në vendngjarje, ata nuk bënë asnjë përpjekje për të kuptuar situatën.
Oficerët menjëherë tërhoqën veteranin e Marinës Z. Quinto nga krahët e nënës së tij dhe më pas humbi ndjenjat dhe u dërgua në spital në 23 Dhjetor. Ai u shpall i vdekur tre ditë më vonë, kanë treguar avokatët që përfaqësojnë familjen. Ata kanë paraqitur në gjykatë në 18 Shkurt një kërkesë që të shqyrtohet sërish vdekja e tij.
Nëna e tij Maria Quinto-Collins tha se djali i saj ishte shtrirë në dysheme dhe nuk po lëvizte, më pas oficerët e nxorën trupin e tij jashtë. Ajo rrëfen se fytyra e tij ishte e përgjakur dhe se oficerët përdorën teknikën e njëjtë me atë të oficerëve që vranë George Floyd, i vunë gjurin në qafë.
Avokati i familjen, John L. Burris tregoi se është përdorur e njëjta metodë që shkaktoi vdekjen e paligjshme të Z. Quinto.
“Oficerët e policisë së Antiokisë kishin vënë në pranga Angelon, por sërish nuk ndaluan sulmin ndaj të riut dhe në mënyrë të pashpjegueshme përdorën teknikën e George Floyd duke injoruar lutjet e z.Quinto “të lutem mos më vrit”, u shpreh avokati.
Isabella Collins shprehet se nuk ndihet keq që thirri policinë, por ajo besonte se ardhja e tyre do të ndihmonte në përshkallëzimin e situatës dhe jo ta vrisnin atë.
Shkaku zyrtar i vdekjes së Z. Quinto është ende i pakonfirmuar dhe incidenti është nën hetim nga zyra e Prokurorit të Qarkut Contra Costa County.
