Pas arrestimit në operacionin ‘Restorti’ të 5 personave, të cilët janë dënuar me burg nga gjykata shqiptare, për pengmarrjen e Jan Prengës më 17 janar në Kamëz, policia ka shpallur në kërkim edhe 10 persona të tjerë me urdhër të prokurorisë.
Ndër personat më të kërkuar, të cilët cilësohen si të më të rrezikshmit janë Dritan Rexhepi nga Vlora, i cili ndodhet i burgosur në Ekuador, Gentian Doçi nga Dukagjini i Shkodrës i cili cilësohet si njëri nga porositësit e kokainës nga Anglia, Gentian ose Nik Bleta nga Shkodra, M.Bajri nga Shkodra dhe Altin Hajri nga Shijaku.
Veç këtyre pesë emrave mësohet se në kërkim janë shpallur dhe pesë persona të tjerë, që janë përfshirë në këtë ngjarje kriminale. Për pengmarrjen e Jan Prengrës janë vendosur në dijeni dhe autoritetet angleze, të cilat falë përgjimeve të kryera për trafikun e kokainës, kanë kuptuar se konflikti i lindur mes bandave, ka sjellë në marrjen peng të 49-vjeçarit Jan Prenga, i cili rezulton i zhdukur nga grupet kriminale.
Sipas burimeve jo zyrtare mësohet se në Angli janë arrestuar 4 persona, ndërsa një shtetas anglez është shpallur në kërkim. Nga ana tjetër, vëllai i Jan Prengës, Astrit Prenga, Gëzim Shullani dhe një shtetas rumun si dhe një person tjetër me emrin Xhuljano, janë arrestuar nga policia angleze./Fjala.al/
Personat e arrestuar në Shqipëri
Leonard Hajri
Bajram Hajri
Elton Hajri
Festim Bexhdili
Olsi Turja
Në kërkim
Dritan Rexhepi
Gentian Doçi
Gentian ose Nik Bleta
M.Bajri
Altin Hajri
5 persona të tjerë në kërkim
Në Angli
Astrit Prendi
Gëzim Shullani
Xhuljano
Dhe një Rumun
Në kërkim
Një shtetas Anglez
