Një person i cili mbajti peng 23 fëmijë pasi i kishte ftuar në një festë të rreme që organizoi për vajzën e tij, u vra nga policia në veri të Indisë. Gjatë një konference për shtyp, autoritetet treguan se si Subhash Batham i ftoi fëmijët në shtëpinë e tij në fshatin Kasaria në Farrukhabad, me pretekstin se do të organizonte një festë për vajzën e tij 1 vjeçare, por më pas i mbylli fëmijët brenda në shtëpi. Fëmijët që u morën peng ishin nga 6 deri 10 vjeç, shkruan CNN.
Drejtori i Përgjithshëm i Policisë tha se u ekzekutua nga policia gjatë operacionit për shpëtimin e fëmijëve ku u përfshi dhe ekipi i antiterrorit. Pengmarrësi kërkonte një shumë të majme parash për secilin fëmijë, 10 milion rupi indiane ose 140.000 mijë dollarë, si dhe të rrëzoheshin të gjitha akuzat e ngritura ndaj tij. Policia negocioi 8 orë për shpëtimin e fëmijëve por më pas ata kuptuan se pengmarrësi kishte armë dhe eksplozivë. E vetmja mënyrë për të shpëtuar fëmijët ishte ekzekutimi i tij, tha policia në fund të deklaratës.
Por si nisi pengmarrja?
Referuar të dhënave që vijnë nga “India Today” bëhet me dije se rrëmbyesi ishte një person që ishte i akuzuar edhe më parë për një vrasje. Ai nuk fakt ishte lënë i lirë me kusht pasi nuk ishin gjendur prova për ta lënë nën akuzë. Mirëpo, hidhërimi i tij ka qenë kaq i madh ndaj zonës që mendonte që e ka informuar në polici sa bashke me gruan ka sajuar edhe hakmarrjen që do të vinte nga një darkë për fëmijën e tyre të mitur.
Nuk dihet se sa ka qenë bashkëpunimi i gruas së tij në këtë rreng, por policia ka bërë me dije se gruaja ka vdekur pak orë më vonë se sa u vra nga policia Batham. Ajo u nis të largohej nga vendi i pengmarrjes me idenë për t`iu shpëtuar plumbave, por ishin banorët e zonës të cilët e gjuajtën me gurë duke e plagosur rëndë.
India Today saktëson se ajo ka humbur jetën në spital pas plagëve të marra. Fëmijët janë nxjerrë të gjithë gjallë pasi policia speciale indiane negocioi me të për më shumë se 8 orë dhe për fat ai nisi të gjuante mbi policinë duke harruar fëmijët. Policia bëri me dije se nga shkëmbimi i zjarrit janë plagosur dy polic, një kalimtar dhe kanë vdekur burrë e grua që rrëmbyen fëmijët. N.k/Fjala.al/
