Policia ka arrestuar një person në Kolonjë, ndërsa një tjetër është proceduar në gjendje të lirë pas një sherri dhe kundërshtimit të efektivëve.
Në pranga ka rënë shtetasi me inicialet O. M., 41 vjeç, banues në Ersekë, me precedent të mëparshëm penal në fushën e krimeve kundër jetës.
“I arrestuari është O. M., 41 vjeç, banues në Ersekë me precedent të mëparshëm penal në fushën e krimeve kundër jetës, kundër shëndetit të personit dhe kundër autoritetit të shtetit, në gjendje të lirë u procedua A. A., 20 vjeç, banues në fshatin Taç, Kolonjë.
Dy personat në fshatin Rehovë u përfshinë në një konflikt fizik me V. Sh. dhe gjatë shoqërimit për në ambientet e Komisariatit, O. M. 41-vjeç ka kundërshtuar me dhunë punonjësit e policisë.”, njofton policia.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
