Pasditen e sotme pranë banesës në pronësi të Artan Xhelilajt në Orikum u vendos një sasi eksplozivi, nga shpërthimi i së cilës fatmirësisht nuk pati të lënduar në njerëz, por vetëm dëme materiale.
Mësohet se në momentin e shpërthimit, Xheliaj ishte brenda në banesë. Ai ishte në arrest shtëpie prej pak kohësh nga gjykata e Vlorës, pasi akuzohet për trafik të lëndëve narkotike ndërsa procesi gjyqësor kundër tij vijon.
Lënda plasëse duket se ka qenë një mesazh i qartë kundër Xhelilajt. Policia ka nisur hetimet për të zbuluar autorët, por deri tani nuk raportohet për asnjë të arrestuar.
