Cristiano Ronaldo mësohet se i ka thënë shokëve në dhomat e zhveshjes së Juventusit se ai synon të largohet nga klubi këtë verë.
Ish-sulmuesi i Real Madrid arriti në Torino në vitin 2018 dhe këtë sezon nuk ka arritur të fitojë titullin e Serie A.
Kontrata e 36-vjeçarit në “Allianz Stadium” zgjat deri në qershor 2022, megjithëse ai mund të largohet nga Juve këtë verë.
Sipas “Il Messaggero”, Ronaldo u ka thënë shokëve të tij të Juventusit se ai dëshiron të largohet në merkaton e ardhshme të transferimeve.
Manchester United dhe Sporting CP janë dy ekipet e mundshme dhe të përfolura për një rikthim të ish-yllit të tyre pasi Real Madrid hodhi poshtë mundësinë për të ri-nënshkruar atë.
Gjatë tre viteve të tij në Torino, Ronaldo ka shënuar 101 gola dhe ka dhuruar 22 asiste në të gjitha ndeshjet për Bianconerët.