Shkrimtarja amerikane Naomi Wolf është pezulluar nga Twitter pasi ka përhapur dezinformimin në lidhje me vaksinat.
Wolf, e njohur për librin e saj të vlerësuar si pjesë e rrymës së tretë feministe “The Myth Beauty”, postoi një gamë të gjerë teorish të pabazuara në lidhje me vaksinat.
Një cicërimë pretendonte se vaksinat ishin një “platformë softuerësh që mund të marrin e japin informacione”, njësoj si kompjuterat.
Ajo gjithashtu krahasoi Dr Anthony Fauci, këshilltarin më të lartë Covid në SHBA me Djallin dhe komentet u bënë për më shumë se 140,000 ndjekës të saj.
Kohët e fundit, ajo shkroi në Twitter se urina dhe feçet e njerëzve që kishin marrë vaksinën kishin nevojë të ndaheshin nga furnizimet e përgjithshme të ujërave të zeza dhe duhen bërë teste për të matur ndikimin e saj tek njerëzit e pavaksinuar përmes ujit të pijshëm.
Pezullimi i saj është mirëpritur nga shumë në platformë.
Profesori Gavin Yamey shkroi në Twitter se ishte i kënaqur, duke shtuar se “Dr Wolf bën shitje të pakuptimta të tmerrshme, të rrezikshme anti-vaksinë”.
Por disa kanë shprehur shqetësimin se pezullimi i saj po mbyste fjalën e lirë. Në 2019, botuesi amerikan i një libri të Naomi Wolf anuloi botimin e tij pasi u ngritën shqetësime për saktësinë.
Gjatë një interviste në radio BBC, doli në dritë se autorja kishte keqkuptuar termat kryesorë ligjorë anglezë të shekullit 19.
