Ministrja e Shëndetësisë dhe Mbrojtjes Sociale, Ogerta Manastirliu ka njoftuar sot ardhjen në Shqipëri të mijëra dozave vaksinash.
Manastirliu shkruan se priten edhe 11 mijë e 700 doza të tjera vaksinash Pfizer. Ministrja shton se vijon pa u ndalur plani kombëtar i vaksinimit, për ruajtjen e shëndetit dhe jetës së çdo qytetari.
“Sot presim edhe 11,700 doza të tjera vaksinash Pfizer, për të vijuar pa u ndalur me planin kombëtar të vaksinimit, për ruajtjen e shëndetit dhe jetës së çdo qytetari”, bën me dije Manastirliu.
Manastirliu shprehet se sot kalojnë mbi 800 mijë vaksinime të kryera, ndërsa 300 mijë qytetarë tashmë kanë kryer të dy dozat e vaksinave.
“Në qendrat shëndetësore afër vendbanimit dhe në qendrat e vaksinimit të përqendruar, vijon pa u ndalur vaksinimi masiv. Më shumë 300 mijë qytetarë tashmë i kanë kryer të dy dozat e vaksinës, ndërsa sot pritet të kalojnë mbi 800,000 vaksinime të kryera”, tha Manastirliu.
