Kryeministri Edi Rama ka mbërritur në Budapest.
Ai ka bërë të ditur përmes një njoftimi në rrjete sociale se ftesa iu bë nga kryeministri i Hungarisë, Viktor Orbán, ndërsa sqaroi se ndodhet për një vizitë pune mbi bashkëpunimin bilateral në ekonomi, shëndetësi, arsim dhe për ecurinë e integrimit.
“Budapest – Me ftesë të kryeministrit Viktor Orbán, për një vizitë pune mbi bashkëpunimin bilateral në ekonomi, shëndetësi, arsim dhe për ecurinë e integrimit europian të Shqipërisë, ku Hungaria është historikisht një mbështetëse e palëkundur”, shkruan Rama.
Kryeministri Edi Rama do të kthehet në Shqipëri të mërkurën, në 9 qershor, datë kur Kuvendi i Shqipërisë do të mblidhet për shkarkimin e presidentit Ilir Meta.
