Dr. Phil, një psikolog I famshëm amerikan, ka bërë një analizë të detajuar të largimit të princ Harry-t dhe Meghan Markle nga mbretëria. Ai ka thënë se arsyeja e vërtetë pse Harry u martua me Meghan ishte sepse ajo kishte një ngjashmëri të frikshme me nënën e tij, princeshën Diana e cila u largua shumë herët nga kjo botë.
Sipas ekspertit, mishërimi I të gjitha karakteristikave të nënës së tij, e shtynë atë në krahët e Meghan.
“ Diana ishte e paturpshme, e bukur dhe e pavarur dhe Harry u martua me një grua të paturpshme, të bukur dhe të pavarur”, tha Dr. Phil për TMZ.
Psikologu argumenton se Harry kurrë nuk ka menduar të përkulet para procedurave të Kurorës dhe të jetë pjesë e strukturës së rëndë të oborrit mbretëror. Harry është një shpirt rebel si Diana dhe kërkoi një bashkëshorte, që të ishte si ai e pavarur. Vetëm se, Meghan shkoi shumë larg dhe theu rregullat e lojës. Ose më saktë, e planifikuar tashmë që para dasmës, siç pretendohet nga Globe, të bashkohej me Familjen Mbretërore, të fitonte famë dhe shikueshmëri falë titullit fisnik, duke ndjekur interesat e veta.
Por mbase ajo nuk e kishte llogaritur që përkundër fuqisë bindëse dhe mbështetjes së burrit të saj, ishte e pamundur të përthyente protokollin për të bërë atë që dëshironte. Prandaj, erdhi hapi tjetër: Megxit, ndarja nga Monarkia, marrja me vete e Harryt, të cilin, megjithatë, ajo duket se dëshiron ta heqë qafe brenda 5 viteve, me një divorc.
Edhe pse mund të vijë një fëmijë i dytë. Sipas asaj që raporton “New Idea”, Dukesha tashmë mund të mbetet shtatzënë. Dhe provat qëndrojnë në deklaratat e Misha Noon, një nga mikeshat e saj më të mira.
Trishtimi i princ Harry-t për këtë situatë është më se i kuptueshëm, pasi ai u vu në dijeni të largimit nga Mbretëria vetëm kur Meghan e kishte bërë atë një fakt të kryer.
