Ka mjaftuar një gol i Sterling, për të vulosur sfidën e ditës së tretë të EURO 2020.
Anglia tregoi se është pretende për të fituar kampionatin Europian, pasi arriti të fitonte ndaj Kroacisë.
Tre Luanët mbajtën nën presion thuajse gjatë gjithë ndeshjes Kroacinë e Modriç, e cila në fund iu dorëzua një goli të realizuar nga ylli i Manchester City-t, Sterling.
Sulmuesi 26-vjeçar e dërgoi topin në rrjetë në minutën e 57 pas një aksioni të bukur të anglezëve.
Kroacia u tregua e pafuqishme të thyente murin anglez në mbrojtje duke mos rrezikuar thuajse asnjëherë pas golit të parë.
