Komisioni i Pavarur i Kualifikimit shkarkoi sot nga detyra subjektin e rivlerësimit, Alketa Zifla, prokurore në Prokurorinë e Rrethit Gjyqësor Tiranë.
Trupa Gjykuese e përbërë nga Etleda Çiftja, Xhensila Pine, Pamela Qirko pasi analizuan provat dhe faktet vendosën shkarkimin nga detyra Alketa Ziflës, prokurore në Prokurorinë e Rrethit Gjyqësor Tiranë.
Komisioni konstatoi përfitimin e një kredie të butë nga Bashkia e Fierit, ndërkohë që kishte vendosur mosfillimin e hetimit mbi zyrtarët lokalë që akuzoheshin për shpëdorim detyre në ndarjen e banesave sociale.
KPK evidentoi kryerjen e veprimeve fiktive për përfitimin e kredisë, për të cilat prokurorja Zifla tha se kanë qenë të diktuara nga kushtet financiare dhe për strehimin e fëmijëve.
Alketa Zifla e ka filluar karrierën në sistemin e drejtësisë në vitin 1999 dhe ka punuar fillimisht si prokurore në Prokurorinë e Tepelenës. Në vitin 2008, Zifla u emërua prokurore në Fier, ndërsa në vitin 2013 u transferua në prokurorinë e Tiranës.
