Familja Gushi nga Patosi u shua sot në një aksident që ndodhur në autostradën e Vlorës. Kryefamiljari Eduart Gushi, bashkëshortja Silvana Gushi dhe dy vajzat Anastasia dhe Eva, udhëtonin me makinën e tyre tip Toyota, kur u përplasën nga tre të rinj që udhëtonin me Audi.
Ndërkohë në spital të plagosur janë Igli Madani, Fabio Lamaj dhe Glori Selimi të cilit udhëtonin me automjetin ‘’Audi’’ që përplasi nga mbrapa automjetin e familjes Gushi.
Për këtë aksident tragjik ka reaguar edhe gazetari Bledi Mane. Ai ka publikuar një shkrim prekës dedikuar familjes së shuar dhe kryesisht dy vajzave të mitura. Mane e etiketon si kriminel shoferin e “Audit” pasi iu mori jetën të gjithë pjestarëve të familjes së pafajshme.
