Kryeministri Rama paralajmëroi nga Vlora një ristrukturim të punës në Ministrinë e Brendshme pas ngjarjeve të fundit kriminale apo edhe të rendit dhe sigurisë.
Reforma në Policinë e Shtetit është parashikuar për në shtator, kohë kur pritet dhe ndryshimi i qeverisë dhe mbledhja e parlamentit të ri, por me sa duket do ndodhë së shpejti.
Kryeministri kërkoi nga gazetarët që të largohej më shpejt pasi kishte thirrur ministrin e Brendshme Çuçi dhe disa drejtues të policisë.
“Tani do më duhet të largohem sepse kam thirrur me urgjencë ministrin e Brendshëm dhe disa drejtues të policisë, sepse do të lançojmë sa më shpejt fazën e re të ristrukturimit por që për arsye të mirëkuptueshme të përshpejtohet me disa javë”, tha Rama.
