Autori i vrasjes së gruas së tij, Lulëzim Cuku është justifikuar para gjykatës se krimin e kreu për shkak të xhelozisë. Por, kjo nuk është marrë parasysh nga ana e gjykatës, e cila e ka lënë në arrest me burg.
Ai u paraqit gjendje të rënduar psikologjike në sallën e gjyqit, duke shpjeguar situatën në të cilën ndodhej me bashkëshorten e tij të ndjerë Manjola Cukun.
“Prej tre muajsh kemi nisur të debatojmë. Kisha arsye se kisha gjetur gjëra të çuditshme në shtëpi që me bënin të dyshoja se më tradhtonte. Vjehrri më tha që shtëpia është kthyer në vend drogaxhinjsh, prandaj vendosa ta merrja me vete në Greqi. Por ajo nuk pranoi”, ka thënë në sallën e gjyqit Lulëzim Cuku.
Cuku vrau me thikë mbrëmjen e së shtunës bashkëshorten e tij Manjola Cuku, pak ditë pasi kishte ardhur nga Greqia. Burri e qëlloi me thikë gruan e tij dhe e kyçi në tualet e më pas u largua për tu vëtëdorëzuar disa orë pas krimit.
Pranë trupit të viktimës policia gjeti tre fëmijët e saj. Ndërsa Manjola Cuku rezultonte me urdhër mbrojtje nga gjykata e Durrësit.
