Në 24 orët e fundit policia e Tiranës ka vënë në pranga 5 persona. Një tjetër ndërkohë po procedohet në gjendje të lirë.
26-vjeçari me inicialet O.K. u arrestua sepse tregtonte lëndë narkotike në zonën e Yzberishtit.
“Shtetasi O. K., sapo ka parë punonjësit e policisë, ka gëlltitur disa qese ambalazhi, të cilat dyshohet se kanë qenë me lëndë narkotike të llojit heroinë”, thotë policia.
Policia gjithashtu ka kontrolluar banesën e 26-vjeçarit, ku ka gjetur një përforcues metalik grushti dhe 12 tableta të dyshuara metadon.
