Një çift francez kanë lëshuar sinjalin SOS, pasi kanë humbur rrugën nëpër pyllin e Llogarasë pasditen e sotme. Çifti nga Franca janë nisur orët e para te ditës nga shtigjet e Llogarasë për të dalë ne malin e Karburunit dhe më pas për te zbritur në gjirin e Gramës në Karaburun.
Ndërkohë për gjetjen e shpëtimin e tyre janë nisur dy grupe policësh si nga toka ashtu dhe nga deti me gomone. Në ndihmë të policisë janë dhe punonjës së Zonave te mbrojtura të cilët njohin shtigjet në pyll.
Po ashtu pritet të bëhet kontroll edhe me dron për të bërë te mundur gjetjen e tyre para se të errësohet. Nuk është e para herë që të huaj humbin rrugën nëpër shtigjet e Karaburunit duke rrezikuar dhe jetën nga kafshët e egra.
