Një aksident fatal është shënuar në Turqi. Një autobus i mbushur me turistë rus është aksidentuar, duke shkaktuar një tragjedi të madhe.
Shoferi i autobusit ka humbur kontrollin e mjetit, duke dalë nga rruga. Si pasojë, 3 persona kanë ndërruar jetë dhe 16 pasagjerë të tjerë janë plagosur.
Autobusi po udhëtonte në autostradën D-400 në Manygat. Në atë çast, makina u përplas me trafikndarëset dhe më pas doli në korsinë e kundërt, duke u përmbysur në rrugë.
Ambulancat mbërritën menjëherë në vendngjarje për t’i dhënë ndihmën e parë të plagosurve. Nuk dihet ende gjendja shëndetësore e të lënduarve që janë dërguar në spital.
