Në një kohë që globi po përballet me një valë të re infektimesh si pasojë e variantit Delta të koronavirusit, shumë shtete mendojnë që ta bëjnë të detyrueshëm vaksinimin.
Madje në disa shtete po mendohet që lokalet të mos pranojnë persona të pavaksinuar.
Kjo duket se i ka sjellë një ide kreative disa bizneseve në Prishtinë. Në sheshin e kryeqytetit të Kosovës, disa lokale ofrojnë kafe dhe ujë falas për personat që kanë bërë vaksinën kundër koronavirusit.
Sipas mediave kosovare, një prej menaxherëve të lokaleve, Adriatik Gashi tha se e kanë bërë këtë ofertë në mënyrë që të kontribuojnë në ndërgjegjësimin e qytetarëve për vaksinim.
“Ta kenë dëshminë për marrjen e vaksinës dhe nga ne e marrin nga një kafe dhe ujë prej shtëpisë”, tha ai.
