Para pak çastesh u njoftua se Interpol dhe policia greke kanë arrestuar në Mykonos Dragoș Săvulescu biznesmenin e njohur dhe bashkëshortin e modeles shqiptare Angela Martini. Që prej vitit 2019 rumuni ishte në arrati pasi ishte dënuar me 5.5 vite burg për përfshirjen e tij në një skandal të madh ekonomik në Rumanisë bashku me ish-kryebashkiakun e Konstancës dhe të pandehur të tjerë që u shpallën fajtorë për përvetësimin e një totali prej 114 milionë eurosh.
Por mediat rumune kanë shkruar se arrestimi i tij në Mykonos nuk ishte i papritur dhe surprizë pasi ishte vetë Angela Martini ajo që ‘ndihmoi’ policinë në arrestimin e tij. Angela Martini është shumë aktive në rrjetet sociale dhe çdo ditë poston foto dhe video nën shoqërinë e bashkëshortit të saj i cili nuk nguron t’i bëjë surpriza të shumta. Vetë Angela kohët e fundit kishte ndarë me ndjekësit e saj momente nga pushimet me bashkëshortin e saj në Itali dhe së fundmi në Greqi. Pasi policia është vënë në dijeni të vendndodhjes së rumunit ka shkuar dhe e ka arrestuar në ambientet e një lokali teksa ai ishte duke darkuar nën shoqërinë e disa personave.
