Pas dy muajsh të martuar, Shpat Kasapi ndan lajmin se do bëhet baba për herë të parë. Këngëtari ka treguar se bashkëshortja e tij, Selvije Jao është shtatëzanë. Këtë lajm, këngëtari e ka ndarë edhe në Instagram, në ditën e ditëlindjes së bashkëshortes së tij.
Në urimin për të, ai dha lajmin e mirë. “Gëzuar ditëlindjen gruaja ime, që do të bëhet nënë së shpejti. Dashuria jote më ka kthyer në këtë njeri të lumtur, gjithmonë njeri të qeshur që jam sot, të jam mirënjohës përgjithmonë! E sidomos tani që po presim një engjëll! Shumë i detyruar ndaj teje për gjithçka, pa ty nuk jam asgjë! Të paça gjithmonë dashuri. Të dua shumë!”.
Dyshimet se Selvija është shtatzënë për herë të parë lindën në muajin maj të këtij viti, kur ajo u fotografua në një qendër gjinekologjike. Mirëpo, pasi fotoja bëri xhiron e rrjetit, Selvija bëri një sqarim për të gjithë ndjekësit në rrjete sociale, duke e mohuar këtë lajm.
View this post on Instagram
