Një aksident i rëndë në të cilin janë përfshirë 2 automjete dhe kanë mbetur të lënduar 2 shoferët dhe 4 pasagjerë është regjistruar mëngjesin e kësaj dite në “Mbikalimin e Patokut” në superstradën Milot – Fushe Krujë.
Dy drejtuesit, Xh.T dhe R. M, si dhe pasagjerët që ndodheshin në makinat e tyre janë transportuar me urgjencë drejt spitalit të traumës në Tiranë për të marrë kujdesin e nevojshëm mjekësor.
Siç duket edhe nga fotot e siguruara, dy makinat janë dëmtuar dukshëm në pjesën e parme të tyre, një tregues se aksidenti i regjistruar mëngjesin e sotëm ishte i rëndë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
