Apple me vetëdije lejon përdoruesit e mitur të kenë akses në aplikacionet për të rriturit. Kështu tregon raporti nga Projekti i Transparencës Teknike (TTP), pavarësisht se është kërkuar të regjistrohen datat e tyre të lindjes.
Raporti pohon një shkëputje mes informacionit që Apple di për një përdorues, i cili përfshin moshën e tyre të deklaruar dhe mënyrat se si i zbaton kufizimet e moshës në App Store.
TTP krijoi një llogari përdoruesi me një datëlindje në shkurt 2007-ës dhe testoi politikat e Apple. Grupi zbuloi se edhe pse përdoruesi kishte një moshë vetëm 14 vjeç, mund të shkarkonte aplikacione të tilla si “Eros: Hook Up & Adult Chat” dhe “KinkD: Kink, BDSM Dating Life”. Të dy aplikacionet janë shënuar si “17+” nga sistemi i vlerësimit të moshës së Apple, por kur një përdorues i mitur përpiqet t’i shkarkojë, atyre thjesht u paraqitet një njoftim pop-up që u kërkon të “trokasin OK për të konfirmuar që jeni 17 vjeç e lart”.
Apple nuk pranoi të komentojë mbi raportin, por një zëdhënës vuri në dukje funksionet e kontrollit prindëror të kompanisë. Prindërit mund të zgjedhin se cilat aplikacione mund të shkarkojnë fëmijët, të caktojnë sa kohë mund të kalojnë çdo ditë në aplikacione dhe faqe në interneti të veçanta dhe të sigurohen që ata mund të blejnë ose shkarkojnë vetëm aplikacione të përshtatshme për ta./ MCN.tv
