Një studim i ri ka zbuluar se rreziku i mpiksjes së gjakut nga vaksinat kundër koronavirusit janë “shumë më të ulëta” se sa rreziqet nga infektimi me Covid.
Studimi i British Medical Journal analizoi të dhënat nga më shumë se 30 milionë njerëz dhe zbuloi se rreziqet e ngjarjeve të rralla të koagulimit të gjakut ishin “shumë më të larta dhe më të zgjatura pas infeksionit SARS-CoV-2 se sa pas vaksinimit.
Më shumë se 29 milionë njerëz në studim u vaksinuan me dozat e para, 19.6 milionë me AstraZeneca dhe 9.5 milionë me Pfizer, ndërsa 1.7 milionë njerëz kishin një test pozitiv të Covid u vëzhguan gjithashtu.
Shkencëtarët analizuan të dhënat për të bërë vlerësime se sa efekte negative do të ndodhnin në 10 milionë njerëz, për secilën vaksinë dhe më pas për infeksionin Covid.
Me vaksinën Astrazeneca rezultuan:
107 raste të trombocitopenisë, të cilat mund të shkaktojnë gjakderdhje të brendshme
66 raste të mpiksjes së gjakut në vena
Me vaksinën Pfizer:
143 raste me goditje në tru
Me infeksionin COVID-19:
934 raste të trombocitopenisë
12,614 raste të mpiksjes së gjakut
1,699 raste të goditjes në tru
Studimi gjeti një rritje të vogël të mpiksjes së gjakut tek të vaksinuarit me Pfizer dhe një gjendje të ngjashme me AstraZeneca-n, por numrat ishin të vegjël dhe kanë nevojë për konfirmim të mëtejshëm, thanë autorët.
“Për shumicën, përfitimet tejkalojnë rrezikun e këtyre ngjarjeve të rralla negative, megjithatë, ky bilanc do të ndryshojë në nëngrupe të veçanta (për shembull, në bazë të moshës) dhe gjithashtu do të ndryshojë me shkallën e infeksionit të popullsisë. ”
Përfundim kryesor nga studimi ishte konfirmimi se infeksioni Covid-19 çoi në “rreziqe shumë më të larta dhe më të zgjatura pas infeksionit sesa pas vaksinimit”./MCN.tv
