Kombet e Bashkuara po kërkojnë të mbledhin më shumë se 600 milionë dollarë ndihmë për Afganistanin, duke paralajmëruar se vendi po përballet me një krizë të madhe humanitare.
Ajo po bën thirrje për mbështetje ndërkombëtare në një konferencë në Gjenevë, pas marrjes nën kontroll të talebanëve muajin e kaluar.
“Pas dekadave të luftës, vuajtjeve dhe pasigurisë, afganët përballen ndoshta me orën e tyre më të rrezikshme”, tha Sekretari i Përgjithshëm Antonio Guterres.
OKB thotë se objektivi prej 600 milionë dollarësh do të sjellë “lehtësim jetik” për miliona afganë.
Në fjalën e tij të hapjes, Guterres e quajti krizën humanitare në Afganistan një “katastrofë të afërt” dhe tha se njerëzit e Afganistanit kishin nevojë dëshpëruese për një litar shpëtimi.
Sot një në tre afganë nuk e di se nga do të vijë ushqimi i tyre i ardhshëm, niveli i varfërisë po spiralizohet dhe shërbimet themelore publike janë afër shembjes. Qindra mijëra njerëz janë detyruar të largohen nga shtëpitë e tyre dhe në të njëjtën kohë Afganistani përballet me një thatësirë e rëndë – e dyta që goditi vendin në katër vjet. Shumë njerëz mund të mbesin pa ushqim deri në fund të këtij muaji sapo afrohet dimri.
OKB -ja u ka bërë thirrje talebanëve që t’u japin punonjësve të ndihmës qasje të papenguar.
Edhe para se militantët islamikë të merrnin kontrollin mbi Afganistanin në gusht, më shumë se 550,000 njerëz ishin detyruar të largoheshin nga shtëpitë e tyre këtë vit për shkak të luftimeve.
Kjo do të thotë se rreth 3.5 milion njerëz aktualisht janë të zhvendosur brenda vendit. Afganët gjithashtu janë përballur me një thatësirë të rëndë, si dhe me mungesën e ushqimit.
