Një operacion blic ka zhvilluar sot policia greke në Prevezë. Në fund të këtij aksioni janë vënë në pranga një mashkull dhe një femër shqiptare.
Dy shqiptarët dyshohet se kanë ndihmuar grabitësit nga Shqipëria, të cilët dje shkëmbyen zjarr me forcat e policisë greke në Korinth. Ata besohet se kanë ndihmuar vazhdimisht 3 grabitësit, raportojnë mediat greke.
Çifti shqiptar dyshohet se merrte makina me qira për llogari të tre grabitësve. Dyshohet se grupi i grabitësve janë të përfshirë në disa vjedhje, përfshirë Bankën e Pargës dhe kohët e fundit fshiheshin në territorin e Republikës së Shqipërisë.
Kujtojmë se dje shqiptarët janë përplasur me armë me policinë greke, e për rrjedhojë 2 persona janë plagosur.
Policia greke ka lajmëruar se në orët në vazhdim do të japë informacion zyrtar në lidhje më këtë grupim.
