Në Kamëz është krijuar një situatë shqetësuese me pastrimin e mbeturinave urbane.
Vetëm disa metra larg Universitetit Bujqësor të Tiranës, gjenden pirgje me mbeturina që kanë mbushur trotuaret e kësaj zone.
Siç shihet dhe nga fotot e mëposhtme, duket se mbeturinat nuk janë pastruar prej ditësh.
Një tjetër faktor problematik është edhe fakti që në këtë trotuar nuk ka asnjë kosh mbeturinash afër që të bëjnë të mundur riciklimin e tyre.
Qytetarët kërkojnë një zgjidhje për këtë skenar të përsëritur në një zonë ku së shpejti do komplikohet edhe më tepër me afrimin e studentëve për fillimin e vitit të ri shkollor në Universitetin e Bujqësisë.
