Një ish-sekretare në një kamp përqëndrimi nazist është kapur pasi u përpoq të arratisej para gjyqit të saj në Gjermaninë veriore.
Irmgard Furchner, 96 vjeç, do të gjykohej për pjesëmarrje në 11,000 vrasje, por ajo nuk u paraqit dhe gjykatësi lëshoi një urdhër për arrestimin e saj.
E pandehura u arrestua nga policia disa orë pasi u zhduk nga një shtëpi pleqsh në qytetin Quickborn. Ajo iku në Hamburg ku u kap në një rrugë lokale.
Pas kapjes së saj të enjten, Furchner u vendos në paraburgim të përkohshëm përpara hapjes së gjyqit të saj.
Ajo duhej të paraqitej në një gjykatë speciale në Itzehoe. Por, ajo u largua nga shtëpia e saj e të moshuarve ku qëndronte midis 06:00 dhe 07:20 me kohën lokale, mesa duket për t’iu shmangur gjyqit.
