Shqipëri-Poloni/ Humbje e dyfishtë, në lojë dhe sjelljen e tifozëve

Në takimin më të rëndësishëm për këto elemonatore të botërorit “Katar 2022” kombëtarja shqiptare e Futbollit nuk mundi që të mposhtte ekipin polak, të cilin e kishte kundërshtarin e vetëm për të mbajtur vendin e dytë. Në mungesa të mëdha për shkak dëmtimesh, por edhe të prekjes nga Covid-19, të katër lojtarëve, kombëtarja jonë u mundua që të merrte rezultat pozitiv, por pa ia arritur duke u mundur me rezultatin minimal 0-1. Ndonëse ndeshje për shumë minuta ishte e balancuar, me të dyja ekipet që nuk shkuan rrezikshëm në portat respektive, një episod në humbjen e topit në mesfushë u kthye në rast ideal për polakët që të kalonin në avantazh në minutën e 77 të takimit. Festimi i golit nga ekipi kundërshtar (jashtë etikës sportive), solli reagimin po aq antisportiv të tifozëve tanë që hodhën drejt lojtarëve polak disa bidonë uji. Ndeshja u pezullua për 15 minuta dhe kthimi për të luajtur pjesën tjetër të ndeshjes ishte me ultimatum që nësëe hidhej qopftë edhe një send i vetëm në fushë takimi do të mbyllej. Pavarësisht shpresës së madhe para takimit, tashmë ajo është venitur gati në kufijtë e së pamundurës. Në dy ndeshjet e mbetura Shqipëria do të duhet të fitojë dy takimet me Anglinë dhe Andorrën (ku përballja me Anglinë duket mision gat ii pamundur) dhe të shpresojë që Polinia të mundet përballë San Marinos, ose Hungarisë.