Miliarderi Elon Musk ka bërë sërish një postim të fortë në Twitter dhe këtë herë objektivi i tij ishte senatori, Bernie Sanders.
“Unë vazhdoj të harroj që je ende gjallë,” shkroi Musk të dielën në mëngjes, në përgjigje të postimit të Sanders “se jashtëzakonisht të pasurit duhet të paguajnë pjesën e tyre të drejtë të taksave”.
“Doni që të shes më shumë aksione, Bernie? Thjesht thuaj fjalët…” shkroi Musk në Twitter një orë më vonë.
Musk e mbylli javën duke shitur një total prej 6.9 miliardë dollarësh të aksioneve të Tesla-s, ose rreth 4 % të aksioneve.
Musk është personi më i pasur në botë, me një pasuri neto prej 285 miliardë dollarësh, sipas Indeksit të Miliarderëve të Bloomberg.
Javën e kaluar, Musk pyeti ndjekësit e tij në Twitter, nëse ai duhet të shesë 10% të zotërimeve të tij Tesla për të paguar taksat. Kujtojmë se 58% e votuesve në sondazhin e tij u përgjigjën po.
