Ministrja e Bujqësisë, Frida Krifca gjatë fjalës së saj në Kuvend e vuri theksin te zhvillimi i bujqësisë. Ajo premtoi se do të ngrihet një treg online për fermerët dhe grumbulluesit, kjo siç tha ministrja, vjen në kuadër të iniciativës për digjitalizimin e bujqësisë.
“400 milion lekë mbështetje për START UP-e për bujqësinë. 200 milion lekë për të rinjtë në formën e mbështetjeve të granteve. Krahas fondeve prej 5 milion euro. Do trajnojmë stafin e arebeve, specifikisht 1150 gra fermere do trajnohen. Do ngremë zyrën e eksporteve në ministrinë e bujqësisë dhe zhvillimit rural. Në shërbim edhe të digjitalizimit të bujqësisë do të ngremë një treg online për fermerët dhe grumbulluesit. Qëllimi rritja e aksesit eficentë drejt tregjeve,” u shpreh ministrja.
