Shqipëria i mbyll kualifikueset e “Katar 2022” me fitore 1-0 kundër Andorrës, duke u renditur në vendin e tre me 18 pikë, një rekord për kombëtaren tonë deri më tani.
Ndeshja kundër Andorrës nuk ishte fantastike, madje të besuarit e Edy Reja patën goxha probleme në pjesën e parë.
Në fund Shqipëria i afrohet golit me Roshin, por shtylla ndali anësorin e kombëtares sonë. 0-0 pjesa e parë, ndërsa në të dytën Bajrami tentoi nga distanca dhe më pas Uzuni u ndal në vijë fatale.
Beratasi fitoi penalltinë vendimtare në minutën e 71-të, ndërsa dy minuta më pas Çekiçi e ekzekutoi saktë dhe realizoi golin e fitores për Shqipërinë.
Në dy ndeshjet e tjera, Polonia pa Lewandowski-n toleroi ndaj Hungarisë dhe u mund në shtëpi 1-2, ndërsa Anglia shkatërroi 10-0 San Marinon, ku katër gola u shënuan nga Harry Kane.
