46 shqiptarë të Maqedonisë së Veriut kanë humbur jetën pasi autobusi me të cilin udhëtonin është aksidentuar dhe më pas ka marrë flakë. Kjo tragjedi ka sjellë reagimin e përfaqësuesve të politikës së Maqedonisë së Veriut dhe asaj të Shqipërisë, ku shprehin dhimbje për situatën e papërshkrueshme. Kryeministri Edi Rama dhe ai i Maqedonisë së veriut Zoran Zaev kanë shprehur ngushëllimet për viktimat.
Rama shkruan se nuk ka fjalë për tragjedinë dhe se kjo është dhimbje.
“S’ka fjalë për tragjedinë e autobusit nga Maqedonia e Veriut në Bullgari, ku kanë humbur jetën thuajse të gjithë udhëtarët. Dhimbje”, shkruan Rama.
