Për të postuar “arritjen” e tyre në Tik Tok, një grup 15-vjeçarësh kanë arritur deri në pikën që të vënë në shënjestër me pistoletë false një patrullë policie në Selanik. Po, mirë e lexuat.
Mbrëmjen e së shtunës rreth orës 22:30, 5 të mitur të moshës 15 vjeç, fillimisht iu afruan dy personave dhe i kërcënuan se do t’i grabisnin, pa bërë asgjë më shumë.
Ngjarja në fjalë u denoncua në polici dhe menjëherë një patrullë shkoi në vendngjarje për të lokalizuar të rinjtë. Por, atë moment një nga 15-vjeçarët i doli makinës së policisë para dhe i drejtoi pistoletën.
Pas kësaj, efektivët e policisë zbritën nga makina dhe kapën 15-vjeçarët. Ndërkohë, sipas këtyre të fundit qëllimi i tyre ishte vetëm publikimi i videos në Tik Tok.
