Bosit i kriptomonedhës turke Faruk Fatih Özer i cili kërkohet në Turqi prej 8 muajsh për mashtrimin me kriptomonedhat Thodex, mendohet të jetë sërish në Shqipëri.
Ai humbi gjurmët pasi u zbulua se u arratisë në Shqipëri më 20 prill të 2021 me miliona dollarë kripto para që i përkisnin 400 mijë njerëzve. Informacioni i fundit në dosjen hetimore është se ai ndodhet në Shqipëri.
Përpjekjet e policisë shqiptare dhe turke për gjetjen dhe arrestimin e tij nuk sollën asnjë informacion për vendodhjen e tij deri në këto momente, që siç thuhet ndodhet në Shqipëri.
Policia po shqyrton mundësinë që Özer t’i ketë lënë miliona dollarët që grumbulloi nga viktimat e Thodex-it mafias shqiptare për t’i fshehur. Sipas policisë turke, mafia shqiptare ka qenë një faktor që ka “mbrojtur” kriminelin dhe ka ndikuar në moskpjen e tij.
Është thënë se deri më tani nuk ka të dhëna se Özer është larguar nga Shqipëria.
Gjithashtu thuhet se Faruk Fatih Ozer, bosi i arratisur i Thodex, përdor një telefon të modës së vjetër në vend të një telefoni të ri, në mënyrë që të bëjë të pamundur përgjimin.
U konstatua se Ozer i kishte marrë të gjitha dokumentet e kompanisë së tij Serap Ozer më 18 prill dhe kishte ikur në Shqipëri dy ditë më vonë. Është vlerësuar se Özer ka bërë përgatitje para se të arratiset dhe ka marrë me vete një shumë të madhe parash.
Kujtojmë se Faruk Fatih Özer, u arratis nga Turqia në 20 prill dhe u strehua në Shqipëri. Autoritetet turke nisën një hetim më 22 prill, pas një raporti se përdoruesit nuk mund të hynin në llogaritë e tyre të kriptomonedhave Thodex dhe se pronari i kompanisë kishte ikur jashtë vendit.
TRT Haber fillimisht zbuloi se ndihmësi I tij ishte Altjan Canaj, I cili kishte dëshmuar më pas se nuk e dinte atë si fajtor dhe ai kishte theksuar se kishin ndihmuar Faruk Fatih Özer me Edevaldo Haxhiu, për të cilin ai tha se ishte truri kryesor në arratisje. Në Turqi , janë lëshuar në total 82 urdhër arresti, përfshirë Ozer, për të cilët u lëshua një urdhër arresti. Ai kishte mashtruar rreth 360 mijë përdorues të kompanisë së tij, me vlerë rreth 2 miliardë dollarë.
