Autori i dyshuar që mori peng një sinagogë në Teksas të shtunën thuhet se ka kërkuar lirimin e Aafia Siddiqui, e cila u dënua për përpjekje për të vrarë personelin amerikan në Afganistan.
Ndërsa identiteti i pengmarrësit ende nuk është konfirmuar, ABC News dhe NBC News raportuan, duke cituar zyrtarë amerikanë, se i dyshuari i tha policisë se ishte një “vëlla” i Aafia Siddiqui, një neuroshkencëtare pakistaneze që vuante një dënim 86-vjeçar në SHBA. Gruaja që u quajt “Zonja Al-Kaeda” nga mediat perëndimore dhe u dënua në vitin 2010 “për tentativë vrasje dhe sulm ndaj shtetasve amerikanë, oficerëve si dhe punonjësve amerikanë në Afganistan”.
Gjatë transmetimit të drejtpërdrejtë, burri thuhet se iu referua “motrës” së tij dhe kërcënoi se ishte gati të vdiste dhe të vriste pengjet nëse dikush hynte në ndërtesë, e cila kishte mbajtur shërbime Shabbat pak para se të hynte ai.
Gjithashtu, thuhet se ka qenë duke negociuar me policinë për lirimin e Siddiqui. Ajo aktualisht është duke vuajtur dënimin e saj në Fort Worth të Teksasit, i cili është vetëm pak larg nga Colleyville, ku ndodhi ngjarja. Sipas burimeve që kanë folur për ABC News, pengmarrësi ka thënë se është i armatosur me eksploziv.
Një avokat i Muhammad Siddiqui, vëllai biologjik i gruas, megjithatë, i tha Daily Beast të shtunën se klienti i tij nuk ishte pengmarrësi.
Siddiqui u arrestua në vitin 2008 dhe u akuzua për të shtëna ndaj agjentëve të FBI-së dhe ushtarëve amerikanë që kërkonin ta merrnin në pyetje në provincën Ghazni në Afganistan.
Ka pasur një fushatë publike të vazhdueshme në Pakistan për kthimin e gruas. Në tetor, një turmë protestuesish u mblodhën jashtë Konsullatës së Pakistanit në Nju Jork për të kërkuar lirimin e saj, ndërsa e quajti atë një “të burgosur politik” dhe një viktimë të pafajshme të Luftës së SHBA-së kundër Terrorit. Aktivistët kanë pohuar gjithashtu se Siddiqui po keqtrajtohet në burg, pasi ishte sulmuar në korrik, duke rezultuar në djegie dhe izolim.
Senati pakistanez miratoi një rezolutë duke e quajtur atë “Vajza e Kombit” në vitin 2018, ndërsa kryeministri pakistanez Imran Khan shprehu mbështetjen për lirimin e saj dhe madje thuhet se e diskutoi këtë çështje me ish-presidentin amerikan Donald Trump.
