Një termet i fortë 5.4 rihter ka shkundur ditën e sotme shtetin fqinj, në zonën e Halkidikis.
Mediat greke bëjnë me dije se tërmeti ka qenë me qendër 20 km në jugperëndim të Athosit, ndërsa thellësia fokale ka qenë 19.3 km.
Tërmeti është ndjerë në disa zona të Greqisë veriore (Selanik, Serres, Kavala, Xanthi) , ndërsa raportime ka pasur nga Larisa, Volos dhe Mytilene. Lëkundjet janë ndjerë edhe në zona të Atikës.
Deri më tani nuk dihet nëse ka të lënduar apo dëme materiale.
