Komisariati i polisicë së Cërrikut ka dhënë një komunikatë lidhur me një “ngjarje” të ndodhur në fshatin Granisht.
Komunikata shpjegon se është gjetur i ngordhur një qelbës me dëmtime në gushë dhe në hundë. Policia zbulon se “autorët” e ngjarjes janë qentë e shtetasit Qani Malja.
Materialet e këtij “incidenti” u referuan në Prokurorinë pranë Gjykatës së Shkallës se Parë Elbasan.
Komunikata e plotë:
“Në datë 16.10.2021 ora 02:00, në Belsh, në vendin e quajtur fashti Gradisht panë një ferre në rrugën e Malit të Gradishtes është konstatuar e ngordhur një kafshë e egër qelbës me dëmtime në pjesën e gushës dhe të hundës. Nga veprimet e kryera, rezulton se kjo kafshë është mbytur nga qentë e shtetasit Qani Malja i biri i Xhemal dhe Leme i datëlindjes 04.05.1963 lindur dhe banues në fashtin Granisht Bashkia Belsh, i martuar, me gjendje gjyqsore i pa dënuar, me arsim me 8 klasë, me shtetësi e kombësi shqiptare. Materialet u referuan në Prokurorinë pranë Gjykatës së Shkallës se Parë Elbasan, për vlerësim.”
