Një ish-oficeri të repartit RENEA i rrezikohet jeta dhe për këtë arsye ka kërkuar ndihmë nga ish-kolegët e tij. “TCH” ka mësuar se 44-vjeçari Besnik Toska ka denoncuar në polici faktin se ai ndiqet nga një person çdo ditë. Ish-oficeri ka dyshime se ky kërcënim mund të ketë lidhje me vrasjen e Kastriot Reçit, në janar të vitit 2020 në Rrëshen. Asokohe ish-oficeri ka qenë i shoqëruar në drejtorinë vendore të Tiranës për t’ju nënshtruar me vullnetin e tij ekspertizës së ADN.
Mbas ADN së përftuar prej meje u konfirmua se ajo nuk përputhej me ADN e gjetur në vendngjarje dhe për këtë shkak u përjashtova nga hetimi dhe nuk jam më i dyshuar për këte ngjarje.
Por duke ditur se Kastriot Reçi u ekzekutuar me snajper u shtuan dyshimet se autori mund të jetë profesionist i armëve të këtij kalibri dhe këtu nuk u përjashtuan as oficerë dhe ish oficerë të RENEA-s që iu nënshtruan ekspertizave. Mes këtyre oficerëve të RENEA-s ka qenë dhe 44-vjeçari nga Puka i cili ka një karrierë 16-vjeçare në polici. Në denoncimin e tij ai ka deklaruar se personi që e ndjek i ka kontrolluar garazhin e makinës, ndërsa ishte i maskuar me një kapelë të zezë dhe që u shmangej kamerave duke mbajtur një çadër. Pas kësaj ish-oficeri ka treguar se nuk hipën më në makinë pa e kontrolluar paraprakisht atë.
Arsyeja pse po bëj kallëzim’, shton ish speciali ‘është se e kuptoj si një sinjal indirekt dhe të rrezikshëm për familjen.
Besnik Toska është larguar me dëshirë nga policia në dhjetor të vitit 2017. Ndërkohë sipas RENEA-s në lidhje me vrasjen e Reçit ai nuk është pjesë e të dyshuarve pasi ADN-ja nuk përkon me atë që është gjetur. Ka dyshime se personi që e përndjek ish-oficerin e bënë këtë gjë për shkak të operacioneve ku Toska ka marrë pjesë.
