Ushtarët rus të cilët po luftojnë me ukrainasit në urdhër të Vladimir Putin po ngrijnë nga i ftohti në temperaturat -20 gradë celsius.
Trupat ruse të bllokuara në kolonën 40 milje të gjatë të tankeve dhe automjeteve të blinduara të bllokuara në periferi të Kievit po përballen me acarin në vend gjë që mund të çojë edhe në humbje jete.
Moti i ftohtë pritet të përkeqësojë edhe më shumë situatën e vështirë për rusët të cilët kanë ngecur rreth 20 milje larg Kievit. Prej ditësh ata po përballen me probleme mekanike, problemeve të furnizimit me karburant dhe rezistencës së fortë ukrainase.
Ish-majori i ushtrisë britanike Kevin Price tha se tanket e pushtuesve nuk do të bëhen asgjë më shumë se ‘ngrirës 40 tonësh’ ndërsa u shpreh se kushtet e këqija atmosferike do të shkatërrojnë moralin e ushtarëve rusë që nuk janë të përgatitur për luftë të stilit Arktik.
