Deputeti socialist, Erion Braçe i është kundërpërgjigjur Sali Berishës gjatë fjalës së tij në Kuvend, në mocionin e thirrur nga Opozita për rritjen e çmimeve.
Braçe tha se ish-kryeministrit sot nuk i takon të flasë, pasi sipas tij, në këto 30 vite ai i ka sjell vendit vetëm të këqija, të cilat ai i ka renditur në Foltoren e Kuvendit.
“Kisha fjalë për diçka, por kur dëgjoj Berishën me të njëjtin fjalim si 30 vitet e më para, të takon të flasësh, akuzosh edhe dënosh siç bën këtu, po kur ke bërë vetëm keq për 30 vite dhe të mos pendohesh asnjë minutë, duhet ta qepësh.
Privatizimi i OSSH ishte goditja më e madhe në energji, shoqëruar me ndryshim të planit të zhvillimit, rritja artificiale e çmimit të energjisë, investime në dëm të qytetarëve dhe rritje të çmimit të energjisë. Ndërtove një rrjet menaxhimi të borxheve për të pasuruar mbështetësin tënd politike dhe për të favorizuar oligarkët që të financojnë dhe sot prandaj s’ua përmend emrin, të privatizosh naftën dhe gazit, duhet ta qepësh se marrëveshjen e hidrokarbureve në Patos Marinë e ke nënshkruar ti dhe e ke ndryshuar vetë në dëm të qytetarëve, edhe atë të gazit, në dëm të qytetarëve, të ndryshosh sistemin fiskal në dëm të tatim fitimi që edhe sot nuk paguhet, e ke bërë vete. Privatizimin e dështuar të Albpetrol dhe more lesh, të privatizosh ARMO duke e shkatërruar prodhimin e naftës te një bandit që endet rrugëve me paratë që bëri këtu. Duhet ta qepësh njëherë e përgjithmonë”,- tha Braçe.
