Çmendurisë së të rinjve kur udhëtojnë me makina i bashkohen pa asnjë frikë edhe shoferët e mjeteve të transportit publik. E jo larg tyre mbeten edhe ata që duhet të kujdesen në fakt për lëvizjet në rrugë; policia rrugore. Ditën e sotme, vetëm pak çaste më parë, vetëm fati i ka shpëtuar udhëtarët e një linje urbane në Tirana po u aksidentuar të gjithë.
Është vetë policia e Tiranës që jep të dhënat e përplasjes fatale mes një autobusi urban dhe një makine të policisë rrugore në mëngjes, kur fluksi i njerëzve për të shkuar në punë është i madh. Një aksident ka ndodhur mëngjesin e sotëm në rrugën “Dritan Hoxha” në kryeqytet. Sipas policisë aksidenti ka ndodhur rreth orës 07:25, ku autobusi i linjës “Tirana e Re” është përplasur me një mjet të Policisë Rrugore.
“Si pasojë e përplasjes dhe frenimit të menjëhershëm të mjetit autobus kanë mbetur të dëmtuar tre pasagjere në autobus, F.D 53 vjeçe, S.GJ, 65 vjeçe dhe V.M 48 vjeçe”- thuhet në njoftimin e bluve të Tiranës. Të plagosurat u dërguan menjëherë në spital ku ndodhen nën kujdesin e mjekëve, jashtë rrezikut për jetën. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes. n.k/Fjala.al/
