Lideri çeçen Ramzan Kadyrov i ka konsideruar si humbje kohe bisedimet për të arritur paqen mes Ukrainës dhe Rusisë, ndërsa ka deklaruar se Moska duhet të përfundojë atë që ka nisur.
Sipas tij, duhet të shkatërrohet nazizmi që ka uzurpuar Ukrainën, dhe më pas të mendohet se çfarë do të bëhet.
“Këto negociata do të jenë të kota dhe jam më se i bindur për këtë. Mendoj se duhet të përfundojmë atë që filluam, të shkatërrojmë nazistët. Vetëm atëherë do të jemi në gjendje të vendosim se çfarë duhet të bëjmë më pas”, përfundoi ai.
Kadyrov i bëri këto komente teksa në Stamboll po zhvillohet raundi i katërt i bisedimeve mes palëve, i ndërmjetësuar nga presidenti turk Tajip Erdogan.
