Armando Broja zhvilloi një paraqitje të mirë në miqësoren ndaj Spanjës, ndërsa në atë me Gjeorgjinë ishte disi në hije për atë pjesë loje që u aktivizua.
Por jo vetëm këto paraqitje, por ecuria e shkëlqyer me Southamptonin në Premier Ligë, si dhe golat e rëndësishëm të shënuar nga sulmuesi, e kanë çuar vlerën e tij dyfish.
Sipas faqes së njohur “Transfermarkt”, vetëm para pak ditësh kartoni i 20-vjeçarit kushtonte 9 milionë euro, ndërsa tani vlera e Armando Brojës ka shkuar në 18 milionë dhe së shpejti pritet që kjo vlerë të rritet edhe më shumë, edhe pse klubi i Chelsea-t që ka në pronësi sulmuesin e Kombëtares shqiptare nuk do të mjaftohet me këtë shifër.
