Përfaqësuesi rus në Këshillin e Sigurimit të OKB-së, Vasily Nebenzya, ka hedhur poshtë akuzat për krime lufte nga trupat ruse në Bucha, duke argumentuar se ka “mospërputhje flagrante në ngjarjet e treguara nga mediat ukrainase dhe perëndimore”.
Ai pohoi se kufomat e gjetura nga gazetarët në qytetin ukrainas nuk ishin aty pas tërheqjes së forcave ruse, duke shtuar sipas tij se kjo është konfirmuar nga disa video.
Megjithatë, pamjet tregojnë trupa në rrugën në Bucha gati dy javë përpara se rusët të largoheshin nga qyteti.
