Gjatë janarit janë regjistruar 93 aksidente rrugore. Krahasuar me janarin e vitit të kaluar, kur u numëruan 104 aksidente, rënia është 10,6%.
Këto janë të dhënët më të fundit zyrtare të Institutit të Statistikave.
Me rënie është dhe numri i të aksidentuarve. Numri më i madh i aksidenteve është në Tiranë, ndjekur nga qarku i Lezhës.
Sipas INSTAT, në janar u aksidentuan 122 persona nga 153 që ishin në janarin e një viti më parë. Ulja është më shumë se 20%. Por megjithëse numri i të aksidenteve dhe i të aksidentuarve ka rënë, me rritje është numri i qytetarëve që kanë humbur jetën.
Në muajin janar 2020, u regjistruan 16 viktima nga aksidentet rrugore nga 15 që ishin janarin e 2019.
Ndërkohë në gati 80% të rasteve të aksidenteve ka ndodhur si pasojë e sjelljes së drejtuesit të mjetit.
Sipas grupmoshave rezultojnë se drejtuesit nga 25-34 vjeç dhe ata nga 45-59 vjeç kanë numrin më të lartë si shkaktare të aksidenteve.
