Vladimir Putin u takua për herë të parë me një lider europian që nga koha kur nisi pushtimin në Ukrainë.
Presidenti rus nuk harroi të bënte një qortim të ashpër ndaj Perëndimit që e akuzon regjimin e tij për krime lufte.
Kancelari austriak Karl Nehammer u takua me Presidentin Putin në Moskë javën e kaluar, megjithatë kancelari tha për NBC News se “nuk ishte një bisedë miqësore”.
Kancelari Nehammer vizitoi qytetin e Bucha-s në Ukrainë, vendi i një masakre shqetësuese pas tërheqjes së trupave ruse ku u gjetën më shumë se 350 trupa, disa prej të cilëve treguan prova të torturave nën pushtimin rus.
Ditë më vonë, ai udhëtoi për në Rusi, ku donte “të përballej me Presidentin Putin” për atë që pa në Ukrainë.
Ai trajtoi “humbjen masive të ushtrisë ruse” në luftën e saj kundër Ukrainës me Putinin, por përgjigja e liderit rus ishte shqetësuese.
“I thashë atë që pashë. Kam parë krimet e luftës. Pashë humbjen masive të ushtrisë ruse. Dhe i thashë se ka nevojë për korridore humanitare për qytete si Mariupol apo Kharkiv,” tha Nehammer për NBC.
