Ish-kryeministri Sali Berisha ka zbardhur axhenden e Kuvendit që do të organizohet nga Komisioni i Rithemelimit në 30 prill. Sipas Berishës, në këtë Kuvend do të zgjidhet Këshilli Kombëtar, kryesia dhe gjykata e partisë.Ndërsa i pyetur nëse do të ndihej komod nëse përballë tij do të ishte Basha, Berisha tha se nuk e pengon askush që ai të rikandidojë sërish.
“Nuk ka asnjë pengesë që të kandidojë. Unë ato që them i mbahem. Basha ka të drejtë të kandidojë në të gjitha forumet përfshi edhe kryetarin e PD. Nuk do ndjehesha aspak jo komod pse ai kandidon”, tha ish-kryeministri për Syri Tv.
Pjese nga intervista
Berisha: Kuvendi i 30 prillit do zgjedhë Këshillin Kombëtar, Këshilli Kombëtar zgjedh kryesinë, gjykatën e partisë. Kjo është axhenda.
Do vazhdoni pa kryetar?
Berisha: Do shpallet data e zgjedhjes së kryetari të partisë. Po këtë e bën Komisioni i Rithemelimit para kuvendit ose kryesia pas kuvendit.
A keni një ide kur do jetë kjo datë, sa kohë do të kenë kandiatët?
Berisha: Nuk kam ide për datë, por kandidatëve do ti jepet koha.
A dyshoni se do keni kandidatë përballë, ose kandidatë jo fiktivë?
Berisha: Në të gjitha kuvendet, asnjëherë nuk kam pasur kandidat fiktiv. Kanë qenë kandidatë të nderuar.
A do ishit komod sikur përballë jush do kandidonte Basha?
Berisha: Nuk ka asnjë pengesë që të kandidojë. Unë ato që them i mbahem. Basha ka të drejtë të kandidojë në të gjitha forumet përfshi edhe kryetarin e PD. Nuk do ndjehesha aspak jo komod pse ai kandidon.
Është e vërtetë që ndërmjetësi që erdhi nga Gjermania ju kërkoi që Basha të ishte kryetar grupi parlamentar?
Berisha: Jo aspak, nuk është e vërtetë.
Po nëse Basha do e kërkonte një gjë do ta propozonit?
Berisha: Atë e vendos grupi, sepse që të zgjidhet duhet të zgjidhet në fillim nënkryetar dhe më pas kryetar grupi.
